1xeber.media xəbər verir ki, Kaliforniyada Amerika tibbi avadanlıq şirkəti Medline Industries-ə məxsus 93.000 kvadratmetrlik nəhəng anbar yanğın nəticəsində tamamilə məhv olub.
"Cümə axşamı Şimali Kaliforniyada baş verən yanğın tibbi avadanlıq anbarını məhv etdi, səmaya qatı qara tüstü yayıldı və hakimiyyət orqanları yanğınla mübarizə apararkən yaxınlıqdakı digər obyektlərin təxliyəsinə səbəb oldu", - deyə məlumatda bildirilir.
Medline bildirib ki, hadisə yerindəki bütün işçiləri və digər işçilər təhlükəsizdir. Treysi meri Den Arriola da öz növbəsində yanğının yaşayış binalarından uzaqda yerləşən sənaye zonasında baş verdiyini qeyd edib.
Treysi Yanğınsöndürmə İdarəsinin rəisi Rendall Bredli bildirib ki, xilasedicilər binaya daxil olanda çiləyici sistem işləmirdi və hidrantlarda su yox idi. Alovlar binanı cəmi yarım saat ərzində bürüdü və söndürülməsi bir neçə gün çəkə bilər. Yerli hakimiyyət orqanları yanğının ABŞ tarixində baş verən dörd ən böyük anbar yanğınından biri olduğunu təxmin edir.
