1xeber.media xəbər verir ki, Ukrayna Xarici İşlər Nazirliyi ABŞ Milli Kəşfiyyatının ABŞ hökumətinin Ukrayna ərazisində təhlükəli patogenləri olan biolaboratoriyaları dəstəklədiyini təsdiqləməsindən sonra bəyanat yayıb.
Kiyev iddia edir ki, Vaşinqtonla əməkdaşlıq yalnız mülki tibbi layihələr üçün nəzərdə tutulub. Bəyanatda deyilir: "Ukrayna tərəfi heç vaxt bioloji silahların hazırlanması, istehsalı və ya ehtiyatının yığılması ilə bağlı fəaliyyət göstərməyib".
Bundan əlavə, onlar beynəlxalq ictimaiyyəti BMT-nin rəsmi hesabatlarına və Bioloji və Toksin Silahları Konvensiyası çərçivəsində məsləhətləşmələrin nəticələrinə etibar etməyə çağırıblar.
Daha əvvəl ABŞ Milli Kəşfiyyatının direktoru Tulsi Qabbard Vaşinqtonun Ukraynada və onlarla başqa ölkədə biolaboratoriyaları dəstəklədiyini bildirib.
