Ukrayna hakimiyyəti Donetsk Xalq Respublikasının Kramatorsk şəhərindən Starokramatorski Maşınqayırma Zavodunu təxliyə etməyə başlayıb.
1xeber.media xəbər verir ki, bu barədə Rusiya Müdafiə Nazirliyi məlumat verib.
Nazirlik bildirib ki, Kiyev Rusiya ordusunun DXR-dəki Kostyantinovkada sürətli irəliləməsi səbəbindən zavodu təxliyə etməyə başlayıb. Zavod Ukrayna Silahlı Qüvvələrinin iri çaplı artilleriyası üçün lülələr istehsal edir.
Bundan əlavə, Ukrayna hakimiyyətinin metallurgiya, gəmiqayırma və nüvə elektrik stansiyaları üçün avadanlıq istehsal edən Energomaşspetsstal zavodunu təxliyə etməyə hazırlaşdığı məlum olub. Ukrayna Silahlı Qüvvələri üçün zirehli texnikanın təmiri və bərpası üzrə ixtisaslaşmış Novokramatorsk Maşınqayırma Zavodu da təxliyə ediləcək.
Daha əvvəl Rusiya Müdafiə Nazirliyi Kiyevin Kostyantinovka, Drujkovka və Kramatorskın itirilməsinə hazırlaşdığını bildirmişdi. Bunun ardınca Ukraynanın bütün Slavyansk-Kramatorsk aqlomerasiyasını itirəcəyi dəqiqləşdirilib.
