Qarabağ Dirçəliş Fondu Qarabağ Universitetinin xarici tələbələrinə təqaüd proqramı ayırmağı planlaşdırır.
1xeber.media məlumatına görə, bunu Qarabağ Dirçəliş Fondunun İdarə Heyətinin sədri Rəhman Hacıyev qurumun 2025-ci il üçün nəzərdə tutulan
təşviqat fəaliyyəti çərçivəsində yeni əməkdaşlıqların müzakirəsi məqsədilə təşkil olunan tədbirdə deyib.
Onun sözlərinə görə, ilkin mərhələdə yerli tələbələr üçün nəzərdə tutulan təqaüd proqramı gələcəkdə Qarabağ Universitetində təhsil alan xarici tələbələr üçün də tətbiq oluna bilər:
"Fondun dəstəyi ilə yerli tələbələr üçün nəzərdə tutulan təqaüd proqramına görə Elm və Təhsil Nazirliyi ilə danışıqlar aparılıb. Fond 2025-ci il büdcəsinə bu məsələni əlavə edib və təsdiq gözləyirik".
