Rusiya ilə NATO arasında mümkün münaqişə zamanı ağır atom raket kreyseri “Admiral Naximov”un Rusiyanın atom sualtı qayıqlarının bazalarını qoruyacağı iddia edilir.
1xeber.media xəbər verir ki, bu barədə “Military Watch Magazine” (MWM) yazıb.
Nəşrin məlumatına görə, genişmiqyaslı müharibə baş verəcəyi halda Qərb ölkələrinin əsas məqsədlərindən biri Rusiyanın ballistik raket daşıyan sualtı qayıqlarını sıradan çıxarmaq ola bilər. Bu baxımdan “Admiral Naximov”un həmin əməliyyatlara maneə yarada biləcək əsas qüvvələrdən biri ola biləcəyi qeyd olunur.
Bildirilib ki, gəminin atom enerji qurğusu ona uzun müddət dənizdə qalmağa və Rusiya Hərbi Dəniz Qüvvələrinin atom sualtı qayıqlarını müşayiət etməyə imkan verir.
Həmçinin kreyserin hava hücumundan müdafiə sistemi sayəsində Rusiya sualtı qayıqlarının fəaliyyət göstərdiyi ərazilərdə hava məkanına nəzarət edə biləcəyi vurğulanır.
