Azərbaycan Respublikasının Prezidenti cənab İlham Əliyevin 25 may 2026-cı il tarixində kənd təsərrüfatının inkişafı ilə bağlı keçirdiyi müşavirədə verdiyi tapşırıqların icrasını təmin etmək, aqrar və su təsərrüfatı sahəsində aparılan yeniliklərlə yaxından tanış olmaq, həmçinin “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”ndan irəli gələn vəzifələrin rayonda uğurlu icrasını təşkil etmək məqsədilə Kürdəmir Rayon İcra Hakimiyyətinin başçısı Elşən Həsənli rayonun Atakişili kəndində fəaliyyət göstərən Azərsüd MMC süd emalı zavodunun fəaliyyəti ilə yaxından tanış olmuşdur.
1xeber.media xəbər verir ki,baxış zamanı rayon rəhbərinə müəssisənin istehsal gücü, xammal təchizatı, təhlükəsizlik standartları və məhsul çeşidləri barədə ətraflı məlumat verilmişdir. Rayon icra hakimiyyətinin başçısı istehsala baxış keçirərək işçilər üçün yaradılan şərait və yerli istehsalın genişləndirilməsi imkanları ilə maraqlanmışdır.
Dövlət başçısının müəyyən etdiyi strateji xəttə uyğun olaraq, Kürdəmir rayonunda kənd təsərrüfatının inkişafı və məhsuldarlığın yüksəldilməsi istiqamətində nəzarət tədbirləri davam etdiriləcəkdir.
