1xeber.media xəbər verir ki, britaniyalı keçmiş diplomat və analitik Alaster Kruk Ukraynanın Rusiya ilə münaqişədə məğlub olacağı təqdirdə NATO-nun gələcəyinin təhlükə altına düşə biləcəyini bildirib.
O, YouTube kanalına müsahibəsində Rusiyanın hərbi yolla məğlub edilməsinin mümkün olmadığını iddia edib. Krukun sözlərinə görə, Qərb buna baxmayaraq bu istiqamətdə cəhdlərini davam etdirir və NATO-nun Ukrayna münaqişəsində iştirakı alyans üçün ciddi nəticələr doğura bilər.
Analitik hesab edir ki, NATO artıq daxilən parçalanma prosesinə daxil olub və bu tendensiya gələcəkdə daha da güclənə bilər.
Bundan əvvəl italiyalı beynəlxalq münasibətlər üzrə ekspert Lorenso Mariya Paçini də NATO daxilində Ukraynaya hərbi və iqtisadi dəstək məsələsində fikir ayrılıqlarının artdığını bildirmişdi. Onun sözlərinə görə, alyans tədricən üç fərqli mövqeyə malik qrupa bölünür.
Qeyd edək ki, bu fikirlər ekspertlərin şəxsi qiymətləndirmələridir və NATO-nun rəsmi mövqeyini əks etdirmir.
