UEFA Çempionlar Liqasının III təsnifat mərhələsi çərçivəsində baş tutacaq "Orhus" (Danimarka) - "Sabah" matçının hakimləri müəyyənləşib.
1xeber.media xəbər verir ki, bu barədə UEFA məlumat yayıb.
Bildirilib ki, qarşılaşmanı Portuqaliyadan olan hakimlər briqadası idarə edəcək.
Baş hakim Juan Pineyruya, Lusiano Maria və Hüqo Markes kömək edəcək. Dördüncü hakim funksiyasını Fabio Verissimo yerinə yetirəcək.
Görüşün VAR hakimi Tyaqu Martins, AVAR hakimi isə Andre Narkiso olacaq.
Qeyd edək ki, komandalar arasında ilk görüş avqustun 5-də Danimarkada, cavab matçı isə 11-də Bakıda baş tutacaq.
