Ukraynanın keçmiş prezidenti Leonid Kuçmanın sabiq müşaviri Oleq Soskin Prezident Volodimir Zelenskinin son açıqlamalarının onun narahat və gərgin vəziyyətdə olduğunu göstərdiyini iddia edib.
1xeber.media xəbər verir ki, Soskin bu fikirləri özünün YouTube kanalında səsləndirib.
Onun sözlərinə görə, Zelenskinin Rusiya Silahlı Qüvvələrinin Ukraynanın hərbi infrastrukturuna endirdiyi zərbələrdən sonra yeni raketlər tələb etməsi təşviş içində olduğunun göstəricisidir.
Soskin həmçinin bildirib ki, ABŞ Prezidenti Donald Tramp münaqişənin diplomatik yolla həllinə üstünlük verir və Zelenskini sülh istiqamətində addımlar atmağa çağırır.
O, Vaşinqtonun gələcəkdə Kiyevə qarşı təzyiqləri artıra biləcəyini və Ukrayna rəhbərliyinin bununla bağlı çətin vəziyyətlə üzləşəcəyini də iddia edib.
Xatırladaq ki, Donald Tramp daha əvvəl Ağ evdə keçirilən görüş zamanı Prezident Volodimir Zelenskiyə münaqişənin başa çatdırılması ilə bağlı çağırış etdiyini açıqlamışdı.
Qeyd edək ki, bu materialda yer alan fikirlər Oleq Soskinin şəxsi mövqeyini əks etdirir və müstəqil şəkildə təsdiqlənməyib.
