Rusiya: Son sutkada 743 PUA və 15 idarəolunan aviasiya bombası vurulub

Nazirliyin gündəlik brifinqində bildirilib ki, Rusiya hava hücumundan müdafiə vasitələri bununla yanaşı 15 idarəolunan aviasiya bombasını da məhv edib.

Qurumun məlumatına əsasən, xüsusi hərbi əməliyyatın başlanmasından indiyədək ümumilikdə 673 təyyarə, 284 helikopter, 194 mindən çox PUA, 669 zenit-raket kompleksi, 30 mindən artıq tank və digər zirehli texnika, 1 700-dən çox reaktiv yaylım atəşi sistemi, 35 mindən çox artilleriya qurğusu və minaatan, həmçinin 68 mindən artıq xüsusi hərbi avtomobil texnikası məhv edilib.

Qeyd edək ki, bu məlumat Rusiya Müdafiə Nazirliyinin açıqlamasına əsaslanır və münaqişə şəraitində tərəflərin təqdim etdiyi rəqəmləri müstəqil şəkildə təsdiqləmək mümkün deyil.