1xeber.media xəbər verir ki, ABŞ Prezidentinin xüsusi nümayəndəsi Stiven Uitkoff və Donald Trampın kürəkəni Cared Kuşnerin Moskva və Kiyevə səfərləri Ukrayna üzrə danışıqlarda yeni mərhələnin başladığını göstərir.
Bunu Rusiya Dövlət Dumasının Beynəlxalq Məsələlər Komitəsi sədrinin müavini Aleksey Çepa bildirib.
Onun sözlərinə görə, ABŞ nümayəndə heyətinin Moskva səfəri mühüm əhəmiyyət daşıyıb. Çepa qeyd edib ki, Uitkoff və Kuşner artıq yeddinci dəfədir Rusiyaya səfər edir və bu dəfə Moskvadan sonra Kiyevə gediblər.
Rusiya deputatı Moskva görüşlərinin yaxşı səviyyədə keçdiyini və tərəflərin danışıqların nəticələrindən razı qaldığını bildirib.
Qeyd edək ki, sentyabrın 5-də Rusiya Prezidenti Vladimir Putin Kremlində Uitkoff və Kuşnerlə görüşüb. Rusiya liderinin köməkçisi Yuri Uşakov danışıqları konstruktiv və etimad şəraitində keçən görüş kimi qiymətləndirib. Onun sözlərinə görə, görüş 3 saat 10 dəqiqə davam edib və əsas müzakirə mövzularından biri Ukrayna münaqişəsinin nizamlanması olub.
Daha sonra Uitkoff Rusiya prezidentinin ABŞ nümayəndə heyətinə hörmətli münasibət göstərdiyini bildirib.
