1xeber.media xəbər verir ki, alimlər qəhvənin sümükləri zəiflətdiyi ilə bağlı geniş yayılmış fikrin tam olaraq doğru olmadığını müəyyənləşdiriblər.
53 araşdırmanın nəticələrini əhatə edən elmi icmalın nəticələrinə görə, gündə 1-3 fincan qəhvə sümük toxumasına mənfi təsir göstərmir və hətta müəyyən qoruyucu təsir göstərə bilər. Buna qəhvənin tərkibindəki antioksidantların təsirinin səbəb ola biləcəyi bildirilir.
Lakin gündə 4-5 və daha çox fincan, yaxud 400 mq-dan artıq kofein qəbulu zamanı risklər arta bilər. Yüksək kofein qəbulu sümük hüceyrələrinin bərpasını ləngidə, minerallaşmanı azalda və kalsium itkisini sürətləndirə bilər.
Mütəxəssislər sümük sağlamlığı üçün kalsium və D vitamini ilə zəngin qidalanmanın da vacib olduğunu vurğulayırlar.
