Aktauda baş vermiş təyyarə qəzası qurbanları üçün Qazaxıstanın bütün qan mərkəzlərində 1,5 mindən çox insan 800 litr qan verib.
1xeber.media xəbər verir ki, bu barədə Qazaxıstanın səhiyyə naziri Akmaral Əlnəzərova "İnstagram" səhifəsində açıqlayıb.
Onun sözlərinə görə, bir neçə dəqiqə ərzində qəza yerinə gələn təcili tibbi yardım briqadalarının koordinasiyalı və vaxtında tədbirləri nəticəsində təyyarə qəzasında yaralanan 29 nəfərin həyatını xilas etmək mümkün olub.
Nazir həmçinin qeyd edib ki, müxtəlif bölgələrdən olan qazaxıstanlılar da biganə qalmayıblar və təbii fəlakətə dərhal reaksiya veriblər: "İki gün ərzində respublika üzrə qan mərkəzlərində 1,5 mindən çox insan 800 litr qan verib".
