1xeber.media xəbər verir ki, Yaponiya hökuməti Okinava adasında 39 yaşlı qadının öldürülməsi ilə bağlı ABŞ hərbçisinin saxlanılmasından sonra Vaşinqtona rəsmi etirazını bildirib.
Yaponiyanın Baş naziri Sanae Takaichi parlamentdə çıxışı zamanı hadisəni ciddi şəkildə pisləyib və ABŞ tərəfdən istintaqa tam əməkdaşlıq göstərilməsini tələb etdiyini açıqlayıb. O, həmçinin belə hadisələrin təkrarlanmaması üçün ABŞ hərbçilərinə nəzarətin gücləndirilməsini istəyib.
Hadisə ilə bağlı Okinava polisi Futenma aviabazasında xidmət edən 20 yaşlı ABŞ dəniz piyadasını saxlayıb. O, 39 yaşlı yapon qadının oteldə öldürülməsi və qarət edilməsində şübhəli bilinir. Şübhəli şəxs ittihamları rədd edir və istintaq davam edir.
ABŞ-ın Yaponiyadakı səfiri Corc Qlass hadisə ilə bağlı başsağlığı verib və Vaşinqtonun istintaqla tam əməkdaşlıq edəcəyini bildirib. Hadisə Okinavada ABŞ hərbi kontingentinin mövcudluğu ilə bağlı uzun müddətdir davam edən narahatlıqları yenidən gündəmə gətirib.
