1xeber.media xəbər verir ki, Cənub-Şərqi Norveç Universitetinin professoru Qlenn Dizen ABŞ dövlət katibi Marko Rubionun NATO və Ukrayna ilə bağlı açıqlamasının hüquqi sənədlə təsbit edilməsinin vacib olduğunu bildirib.
Dizen sosial şəbəkədə paylaşdığı açıqlamada NATO-nun genişlənməsinin dayandırılması və Ukraynanın neytral statusunun bərpası ilə bağlı öhdəliyin yazılı hüquqi təminat şəklində təqdim edilməsini təklif edib.
Onun fikrincə, belə bir təminat verilərsə, Ukrayna müharibəsinin əsas səbəblərindən biri əhəmiyyətli dərəcədə aradan qaldırıla bilər.
Professor daha əvvəl də NATO-nu strateji düşüncənin olmamasında ittiham edib. O bildirib ki, alyans Rusiyanın mümkün cavab zərbələrinin doğura biləcəyi nəticələrə görə məsuliyyət daşımağa hazır deyil.
