1xeber.media xəbər verir ki, ABŞ prezidentinin xüsusi elçisi Stiv Uitkoff, Donald Trampın kürəkəni Cared Kuşner və vitse-prezident Cey Di Vens son aylarda Ukrayna Prezidenti Volodimir Zelenskidən Rusiyanın neftayırma zavodlarına hücumları dayandırmağı xahiş ediblər.
“The New York Times” qəzetinin oktyabrın 15-də yaydığı məlumata görə, bu barədə danışıqların məzmunu ilə tanış olan mənbə bildirib.
Nəşrin yazdığına əsasən, Trampın Ukrayna müharibəsi ilə bağlı əsas nümayəndələri Uitkoff və Kuşner, eləcə də Vens Kiyevdən Rusiya ərazisindəki neft emalı müəssisələrinə zərbələr endirməməsini istəyiblər.
Qəzetin mənbəsi Venslə Zelenski arasında telefon danışığının da baş tutduğunu bildirib. Tərəflərin söhbətində münaqişənin iqtisadiyyata təsiri müzakirə olunub.
Lakin nəşrin məlumatına görə, Vaşinqtonun bu müraciətləri Kiyevin mövqeyini dəyişməyib və Ukrayna Rusiyanın neftayırma zavodlarına hücumlarını davam etdirib.
