Paytaxtın müxtəlif rayonlarında fəaliyyət göstərən yeni tikili binalarda sakinlərlə mənzil mülkiyyətçilərinin müştərək cəmiyyətləri və ya özəl idarəedici şirkətlər arasında xidmət haqları ilə bağlı mübahisələr səngimək bilmir.
Sakinlər hər ay ödədikləri yüksək komendant pullarının qarşılığında binanın təmizliyi, liftlərin texniki sazlığı, təhlükəsizlik və həyətyanı sahənin saxlanılması xidmətlərinin bərbad vəziyyətdə olmasından şikayətçidirlər. Xüsusilə liftlərin tez-tez xarab olması və hündürmərtəbəli binalarda sakinlərin yuxarı mərtəbələrə piyada qalxmaq məcburiyyətində qalması ən çox rast gəlinən problemlərdəndir.
1xeber.media bildirir ki,digər bir tərəfdən, toplanan vəsaitlərin hara və hansı məqsədlərə xərclənməsi barədə sakinlərin rəsmi hesabat tələbləri əksər hallarda cavabsız buraxılır. Hüquqşünaslar bildirirlər ki, "Mənzil Məcəlləsi"nin tələblərinə görə, binaların idarə edilməsində şəffaflıq mütləqdir və sakinlər öz aralarında yığıncaq keçirərək idarəedici qurumu dəyişmək hüququna malikdirlər.
Bu sahədəki boşluqların və sakinlərlə komendantlar arasındakı gündəlik gərginliyin tam aradan qaldırılması üçün vahid nəzarət və rəqəmsal ödəniş sistemlərinin tətbiqi ən optimal çıxış yolu kimi dəyərləndirilir.
