"Cənubi Qafqazın təhlükəsizliyi bizim üçün çox önəmlidir".
1xeber.media xəbər verir ki, bu barədə İran Xarici İşlər Nazirliyinin sözçüsü Nasir Kənani açıqlayıb.
"Təhlükəsizlik və sabitlik xarici müdaxilələrdən uzaq, region ölkələri tərəfindən təmin edilməlidir. Bu səfər (İranın Ali Milli Təhlükəsizlik Şurasının rəhbəri Əli Əkbər Əhmədianın Bakı və İrəvana səfəri - red.) həmin iki ölkə ilə əlaqələri gücləndirmək, müzakirələr aparmaq məqsədi daşıyırdı ki, əmin olaq ki, regionda sülhün qorunması və möhkəmləndirilməsinə yönəlmiş əvvəlki proseslər, o cümlədən 3+3 formatı davam edəcək. İran bu istiqamətdə öz imkanları ilə bu prosesə dəstək verməyə hazırdır", - diplomat qeyd edib.
