Ötən gün vəfat edən Çimnaz Sultanova Bakı Sağlamlıq Mərkəzində bağırsağından səhv əməliyyat edilib.
1xeber.media teleqraf.com-a istinadla xəbər verir ki, bunu aktrisanın qohumu iddia edib.
"Daha sonra "Zəfəran Hospital"a yerləşdirilib. Yenidən əməliyyat edilən zaman bağrısağı partlayıb və komaya düşüb. Onun 30 min manat xərci çıxıb", - deyə qohumu bildirib.
Qeyd edək ki, aktrisa Ç.Sultanova 15 yanvar 1982-ci ildə Bakıda anadan olub. “Vicdan haqqı”, “Sənə inanıram”, “Bayram axşamı” kimi bir sıra serial və filmlərdə rol alıb. O, yanvarın 15-də bağırsaq xərçəngindən vəfat edib.
