Qeyri-adi açıqlamaları ilə diqqət çəkən müğənni Yusuf Güney bu dəfə qiyamət günü barəsində danışıb.
1xeber.media Milli.Az-a istinadən xəbər verir ki, müğənni qiyamət günü ilə bağlı çıxışına görə müzakirələrə səbəb olub.
Yusuf Güney bir müddət əvvəl "astral səfərlərə çıxıram, dünyadan kənar varlıqlarla danışıram" kimi açıqlamalarla diqqət çəkərək 2025-ci il barədə də gələcək proqnozlarını paylaşmışdı.
O, son açıqlamasında "2030-a doğru qiyamət yaxınlaşır" sözləri ilə diqqət çəkib və bu fikirlər sosial mediada geniş müzakirəyə səbəb olub.
"Vaxt çox az qalıb, artıq qiyamətin sonuna gəlirik" deyə Yusuf Güney açıqlaması ilə müzakirə yaradıb.
Yusuf Güney Türkiyəli müğənni, bəstəkardır. O, 5 iyun 1984-cü ildə Trabzonda anadan olub, uzun müddət Londonda yaşayıb. 2008-ci ildə məşhur müğənni Rafet El Roman ilə birgə ifa etdiyi "Aşk-ı Virane" mahnısı ilə geniş tanınıb və bu mahnı onun musiqi karyerasında böyük uğur qazanmasına səbəb olub.
Yusuf Güney xüsusilə romantik musiqiləri və təsirli ifası ilə sevənlərinin rəğbətini qazanıb. Musiqi karyerası boyunca bir çox albom və single təqdim edib. Son dövrlərdə isə musiqidən kənar verdiyi qeyri-adi və mübahisəli açıqlamaları ilə də tez-tez gündəmə gəlir. Astral səyahətlərdən, gələcək proqnozlarından və dünya kənarı varlıqlarla əlaqələrindən bəhs edən açıqlamaları ilə sosial mediada geniş müzakirələrə səbəb olub.
