Avropanın bir çox nəhəng klublarının maraq dairəsində olan Viktor Qyökereş karyerasını "Mançester Yunayted"də davam etdirə bilər.
1xeber.media xəbər verir ki, bu barədə insayder Florian Plettenberq məlumat yayıb. "Sportinq"in sabiq baş məşqçisi Ruben Amorim keçmiş futbolçusunu yeni klubunda - "Mançester Yunayted"də görməyə israrlıdır.
Buna görə də "qırmızı şeytanlar" artıq 26 yaşlı hücumçu üçün hərəkətə keçiblər. Klub transfer üçün "Sportinq"lə danışıqlara başlayıb.
"Mançester Yunayted" Qyökereş üçün "Mançester Siti", "Real" kimi nəhəng klublarla mübarizə aparmalı olacaq. Futbolçunun "Sportinq"lə müqaviləsi isə 2028-ci ilin yayınadək nəzərdə tutulub. Onun transfer dəyərinin 70 milyonavro olduğu bildirilir.
Qeyd edək ki, Viktor cari mövsümdə "Sportinq"lə 21 matça çıxıb, 24 qol vurub və 4 qolun ötürməsini verib.
