Bu gün Azərbaycan Premyer Liqasında 16-cı tura start veriləcək.
1xeber.media xəbər verir ki, ilk gündə 2 oyun baş tutacaq.
Əvvəlcə “Səbail” və “Araz-Naxçıvan” komandaları üz-üzə gələcəklər. Bayılda keçiriləcək oyunda sonuncu pillədə qərarlaşmış meydan sahibləri cari mövsümün sürpriz komandasından xal və ya xallar almağa çalışacaqlar.
Günün digər oyunu “Sabah”la lider “Qarabağ” arasında keçiriləcək. Ağdam klubu zirvədəki mövqeyini qorumağa, Masazır təmsilçisi isə çempiondan xal almağa çalışacaq.
“Kəpəz” – “Zirə” və “Sumqayıt” – “Neftçi” oyunları sabah, “Turan Tovuz” – “Şamaxı” matçı dekabrın 9-da keçiriləcək.
Azərbaycan Premyer Liqası, 16-cı tur
7 dekabr
15:00. “Səbail” – “Araz-Naxçıvan”
Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov.
“ASCO Arena”.
18:00. “Sabah” – “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.
“Bank Respublika Arena”.
8 dekabr
16:00 “Kəpəz” – “Zirə”
Hakimlər: Tural Qurbanov, Zöhrab Abbasov, Teymur Teymurov, Əli Əliyev
Tovuz şəhər stadionu.
18:00 “Sumqayıt” –“Neftçi”
Hakimlər: Fərid Hacıyev, Rəhman İmami, Kamran Bayramov, Cavid Cəlilov
Mehdi Hüseynzadə adına Sumqayıt şəhər stadionu.
9 dekabr
19:00 “Turan Tovuz”– “Şamaxı”
Hakimlər: Kamal Umudlu, Vüsal Məmmədov, Asiman Əzizli, Rauf Allahverdiyev
Tovuz şəhər stadionu.
