Xəbər verdiyimiz kimi, Bakı şəhəri Nərimanov rayonundakı 73 nömrəli tam orta məktəbin direktoru Şəhanə Əhmədova tutduğu vəzifədən azad edilib. Bakı Şəhəri üzrə Təhsil İdarəsindən bununla bağlı sorğumuzu təsdiqləyiblər.
1xeber.media işdən çıxarılan direktorun qısa tərcümeyi-halını təqdim edir.
Şəhanə Şamil qızı Əhmədova 26 mart 1963-cü ildə Lənkəran şəhərində anadan olub. 1985-ci ildə Azərbaycan Pedaqoji İnstitutunun Kimya-Biologiya fakultəsini bitirib. 1985-ci ildən 1993-cü ilə qədər Lənkəran şəhər 3 nömrəli orta məktəbdə ilk əmək fəaliyyətinə başlayaraq müəllim işləyib.
1993-cü ildən 2003-cü ilə kimi Lənkəran şəhər Pedaqoji texnikumunda müəllim vəzifəsində çalışıb.
2003-cü ildən 2009-cu ilə qədər Lənkəran şəhər 3 nömrəli orta məktəbdə direktor, 2009-cu ildən 2011-ci ilə qədər Lənkəran şəhər 1 nömrəli məktəbdə direktor vəzifələrində işləyib.
2011-ci ildən 2017-ci ilə qədər isə Təhsil Şöbəsinin müdiri vəzifəsində çalışıb.
2018-2023 -cü ilin sentyabr ayına qədər Bakıdakı 24 nömrəli məktəbin direktor vəzifəsində işləyib.
2023-cü ildən indiyə kimi 73 nömrəli məktəbin direktoru vəzifəsini tuturdu. Ailəlidir, 3 övladı var.
