“Qazaxıstan tərəfindən əməliyyat-istintaq qrupu yaradılıb. Eyni zamanda bizim Baş Prokurorluğun və Mülki Aviasiya qurumunun nümayəndələri də orada işləyir. Ekspertlərin qərarından sonra hər hansı bir açıqlama veriləcək”.
Bunu Azərbaycanın fövqəladə hallar naziri Kəmaləddin Heydərov deyib.
Nazir bildirib ki, həlak olanların şəxsiyyətləri tam məlum olduqdan sonra Azərbaycan gətiriləcək:
“Hadisə yerində olduq, xəstəxanada yaralılara baş çəkdik. Reanimasiyada olan üç nəfərdən başqa hamısı yaxşıdır. Xəsarət alanları hazırda ölkəyə gətirmək mümkündür. Lakin həkimlərin məsləhətinə görə, onların psixoloji vəziyyəti nəzərə alınaraq yüngül xəsarət alanlar yaxın günlərdə, bəlkə də sabah, ya da o biri gün vətənə gətiriləcək”.
