Rusiyanın Ukraynaya qarşı müharibəsi 2025-ci ildə başa çatması mümkündür. Bunun üçün sanksiyaların gücləndirilməsi və Ukraynaya təhlükəsizlik təminatının verilməsi tələb olunur.
1xeber.media xəbər verir ki, bunu Ukrayna Prezidenti Vladimir Zelenski deyib.
"Biz bunu (Ukraynada müharibənin bitməsini - Red.) həqiqətən də istəyirik. Düzünü desək, biz hər il Qərb tərəfdaşlarımızın Putini müharibəni bitirməyə məcbur etmək üçün kifayət qədər gücə malik olmasını istəyirik. İndi bunun üçün bütün imkanlar var. Üstəlik, ABŞ prezidenti Donald Tramp da müharibənin tez bitməsini istəyir.
Tez və ya yox, bunun necə nəticələnəcəyini bilmirik, amma bilirik ki, güclü olmalıyıq", - prezident vurğulayıb.
O vurğulayıb ki, Rusiyaya təzyiqi artırmaq üçün sanksiyalar total olmalıdır:
“Xalqı arxayın etmək üçün Ukraynanın təhlükəsizliyinə təminat verilməsi vacibdir. Bu gün biz artıq Ukrayna üçün ədalətdən danışmırıq, müharibənin qaynar mərhələsinə son qoymaqdan danışırıq. Ədalətli, həqiqi sülh bizim üçün vacibdir, amma gəlin müəyyən addımlar alaq. Təhlükəsizlik zəmanəti - o zaman müharibənin qaynar mərhələsini dayandırmaqdan danışmaq olar”.
