Rusiyanın xarici işlər naziri Sergey Lavrovun Rusiya və Amerika nümayəndə heyətlərinin bir neçə ildən sonra ilk görüşündən sonra keçirdiyi mətbuat konfransında əsas məqamlar açıqlanıb.
1xeber.media Lavrovun çıxışından başlıqları təqdim edir:
ABŞ nümayəndələri ilə söhbət çox faydalı oldu.
Amerika tərəfinin Moskvanın mövqeyini daha yaxşı dinləməyə başladığını düşünməyə əsas var.
Rusiya və ABŞ razılaşdılar ki, geosiyasi sahələrdə və iqtisadi məsələlərdə səyləri birləşdirmək üçün hər şey edilməlidir.
Moskva və Vaşinqton yaxın vaxtlarda səfirliklərin işində yaranan problemləri həll etmək barədə razılığa gəliblər.
Rusiya və ABŞ səfirlərinin Moskva və Vaşinqtona mümkün qədər tez təyin olunmasını təmin etmək barədə razılığa gəliblər.
Yaxın vaxtlarda Ukrayna nizamlanması prosesinin formalaşdırılması ilə bağlı razılıq əldə olunub və danışıqlar aparan şəxslər təyin edilib.
Hər iki tərəf danışıqlar qrupları təyin etdikdən sonra Rusiya və ABŞ Ukrayna ilə bağlı müntəzəm məsləhətləşmələr aparacaq.
Rusiya nümayəndə heyəti amerikalı həmsöhbətlərinə NATO qoşunlarının Ukraynada olmasının qəbuledilməz olduğunu izah etdi.
Biz razılaşdıq ki, qarşılıqlı faydalı iqtisadi əməkdaşlıq üçün maneələri aradan qaldırmaq lazımdır.
