Dünyada gənclər üçün ən yaxşı şəhərin adı açıqlanıb.
1xeber.media xəbər verir ki, Taylandın paytaxtı Banqkok “The Pattaya News”un nəticələrini dərc etdiyi “Time Out”un araşdırmasına görə gənclər üçün ən yaxşı şəhər olduğunu sübut edib.
Tədqiqatın müəllifləri Z nəslinin şəhərin dinamizmini, səmimi sakinlərini, iş-həyat balansını və maliyyə azadlığını qiymətləndirdiyini müəyyən ediblər. Banqkok bütün bu ehtiyacları ödəyə bilməsi ilə seçilib.
Şəhərdə yaşayan respondentlərin 84 faizi Tayland paytaxtının enerjisi və müsbət münasibəti səbəbindən xoşbəxt olduqlarını bildiriblər. Digər 71 faiz isə qeyd edib ki, şəhər büdcəsi olan insanlar üçün əlverişlidir. Bir çox respondent Banqkoku yeni insanlarla tanış olmaq üçün ən yaxşı yer adlandırıb.
İkinci yeri Avstraliyanın Melburn, üçüncü yeri isə Cənubi Afrika Respublikasının Keyptaun şəhəri tutub. Liderlər siyahısına Nyu-York, Kopenhagen, Barselona, Edinburq, Mexiko, London və Şanxay da daxildir.
