Dubayda yerləşən "Roasters" şəbəkəsi dünyanın ən bahalı qəhvəsinin satışına görə rəsmi olaraq Ginnesin Rekordlar Kitabına düşüb.
1xeber.media xəbər verir ki, kofe 670 dollara başa gəlib. Qəhvə unikal əl işi olan büllur stəkanda təqdim edilib. İçki çiçəkli, meyvəli və sitrus aromaları ilə tanınan "Hacienda La Esmeralda" plantasiyasından eksklüziv "Panama Geyşa" qəhvə dənələrindən istifadə edilməklə hazırlanıb.
Dubay startapı bu Panama plantasiyasından 20 kiloqramlıq yuyulmuş "Geisha" qəhvəsinin bütün partiyasını 604.000 dollara satın alıb.
Mərasimdə Ginnesin Rekordlar Kitabı nümayəndəsinin sözlərinə görə, bu nəticə bütün dünyada lüks qəhvə üçün yeni keyfiyyət standartını müəyyən edir.
