Rusiyanın “Aeroflot” aviaşirkətinə məxsus olan təyyarə Daşkənd Beynəlxalq Hava Limanına təcili eniş edib.
1xeber.media xarici KİV-ə istinadən xəbər verir ki, təcili eniş edən təyyarə Fərqanə şəhərindən Moskva istiqamətinə uçub.
Təcili enişə səbəb sərnişinlərdən birinin səhhətinin pisləşməsi olub.
Ekipaj alternativ aerodroma uçmaq qərarına gəlib. Təyyarə eniş etdikdən sonra 70 yaşlı qadın insult şübhəsi ilə xəstəxanaya yerləşdirilib. Bir saat sonra isə təyyarə Moskvaya uçub.
***
Həmçinin “Cənubi Saxalinsk - Novosibirsk” marşrutu üzrə hərəkət edən sərnişin təyyarəsi İrkutsk vilayətinin Bratsk aeroportunda təcili eniş edib.
Təcili enişə səbəb isə sərnişinlərdən birinin ölümü olub.
