Rusiya bazarlarında qeyri-adi suvenir dollarlar satışa çıxarılıb. Həmin əskinaslarda ABŞ prezidenti Donald Trampın siması Rusiya lideri Vladimir Putinin simasına çevrilir və onun nominal dəyəri 100 dollardır.
1xeber.media xəbər verir ki, bu barədə "RİA Novosti" məlumat yayıb.
Suvenirin qiyməti 500 rubl olaraq qiymətləndirilir. Satıcıların dediyinə görə, Putinin üzünü yalnız ultrabənövşəyi şüalar altında Trampın şəklinin üstündə çap olunmuş formada görə bilərsiniz.
Mənbə bildirir ki, suvenirin arxasında ABŞ liderinin sui-qəsd cəhdindən dərhal sonra Pensilvaniyadakı mitinqdən məşhur fotoşəkili var. Putinin mikrofonlarla podiumun arxasında dayandığı fotosu da ancaq ultrabənövşəyi şüalar altında görünür.
Məhsulun bildiriş kartında “çap üçün su nişanı olan xüsusi kağızdan istifadə edildiyi” və suvenir pul nişanlarının məhdud tirajla buraxıldığı göstərilir.
