Etibarnamə ilə daşınmaz əmlakı satan şəxs elektron portalda etibarnaməni ləğv edə bilər. Etibarnamə ilə alınmış daşınmaz əmlaka sənəd düzəltmək hansı yollarla olmalıdır? Etibarnamənin hansı təhlükələri var?
1xeber.media xəbər verir ki məsələ ilə bağlı Tribunainfo.az-a açıqlama verən daşınmaz əmlak üzrə ekspert Elnur Azadov bildirib ki, Etibrnamələrdən istifadə və riskləri aktual mövzudur. Azərbaycan Respublikasının qanunvericiliyinə uyğun olaraq istənilən şəxş ona məxsus, onun mülkiyyətində olan daşınar və daşınmaz əmlakın idarə olunması ilə bağlı etibarnamə verə bilir.
Ekspertin sözlərinə görə, burada heç bir məhdudiyyət yoxdur. Sadəcə risklərə gəlsək, daşınar və ya daşınmaz əmlakın etibar edilən şəxs etibarlı şəxs olmalıdır ki, sabah həmin mülkiyyətçinin maraqlarına dair bir hərəkət etməsin. Satmaq, girova qoymaq və digər əməliyyatlar xüsusi, riskli təbəqəyə aid olur.
“Daşınmaz əmlakın idarə olunması ilə bağlı sözsüz ki, etibarnamələrin verilməsində ciddi bir risk yoxdur. Əsas odur ki, burada etibarnamədən bu kimi peşəkat səviyyədə istifadə edirlərsə, öz müəssisəsini, torpağını kiməsə etibar edirsə və həmin şəxs buna daha peşəkar yanaşmaqla daha yüksək gəlir gətirir. Burada etibarnamələrin verilməsi labüddür. Həmçinin etibarnamə lazım olmaya da bilər, belə hallarda müqavilə ilə də verilə bilər. Daşınmaz əmlakın idarə olunması, qərarların verilməsi, etibarnamə və müəyyən şərtlərlə əlavə müqavilə də bura bərkidilə bilər”.
