Qarabağ Universitetinin tabeliyində Qarabağ Universitetinin Klinikası publik hüquqi şəxs yaradılıb.
1xeber.media xəbər verir ki, bu barədə Prezident İlham Əliyev Fərman imzalayıb.
Fərmanda qeyd olunub ki, Klinika Qarabağ Universitetində tibb ixtisasları üzrə təhsil alan tələbələrin peşəkar kadr kimi hazırlanmasını təmin edən, tibb sahəsində elmi tədqiqatlar aparan, regionda əhalinin sağlamlığının qorunmasında iştirak edən publik hüquqi şəxsdir.
Klinikanın 2025-ci ildə saxlanılma xərclərinin maliyyələşdirilməsi üçün 5 (beş) milyon manat ayrılıb.
