ABŞ məhkəməsi prezident Donald Trampın ABŞ Beynəlxalq İnkişaf Agentliyinin (USAID) əməkdaşlarını dünya üzrə vəzifələrindən uzaqlaşdırmaq və onları inzibati məzuniyyətə çıxarmaq qərarını müvəqqəti olaraq bloklayıb.
1xeber.media xəbər verir ki, bu barədə Amerikanın “The Hill” nəşri fevralın 7-də mənbələrə istinadən məlumat yayıb.
Qeyd olunur ki, məhkəmənin qərarı ABŞ hakimiyyətinə 2200-ə yaxın USAİD əməkdaşını fevralın 14-ü daxil olmaqla inzibati məzuniyyətə buraxmağı və işlədikləri ölkələrdən çıxarılmasını qadağan edir.
“Hazırda inzibati məzuniyyətdə olan bütün USAİD əməkdaşları – hökumətin təxminlərinə görə, təxminən 500 nəfər – həmin tarixə qədər [14 fevral] bərpa edilməli və e-poçt, ödəniş sistemləri və təhlükəsizlik xəbərdarlığı sistemlərinə “tam giriş” geri verilməlidir”, media orqanı hakim Karl Nikolsun sözlərini sitat gətirir.
