Azərbaycanın Britaniyadakı keçmiş səfir Rəfael İbrahimov seksual təzyiqdə ittiham olunur.
1xeber.media globalinfo.az-a istinadla xəbər verir ki, məlumatı Britaniya mətbuatı yayıb.
İbrahimovun bu addımı Çeşir qraflığındakı reabilitasiya klinkasının 3 əməkdaşına qarşı atdığı iddia olunub.
Mətbuat yazır ki, İbrahimov fevralın 7-də Çesterdəki Krallıq Məhkəməsində dindirilib. Məhkəmədə bəlli olub ki, İbrahimovun iştirakı ilə klinikada insident 2023-cü ilin son aylarında baş tutub. İttihamçı tərəf keçmiş səfirin klinikanın 3 əməkdaşının sinəsinə, cinsiyyət orqanı ətrafına toxunub, eləcə onların əllərini dəfələrlə öpüb.
Səsləndirilən ittihamlarla bağlı İbrahimov keçən il məhkəmələrin birində cavab verib. O özünə qarşı səsləndirilən ittihamlardan yalnız bir qismini qəbul etdiyini açıqlayıb.
Daha sonra çıxış edən hakim Patrik Tompson Rafael İbrahimovun hərəkətlərini həyasızlıq və çirkinlik adlandırıb. O deyib ki, İbrahimovun hərəkətləri 60 yaşlı və əvvəllər heç bir məhkumiyyəti olmayan insan üçün xarakterik deyil. Lakin hakim İbrahimovun ilk dəfə cinayət törətməsini nəzərə alaraq onun məhkum olunduğu cəzanın həyata keçirilməsini təxirə salacağını açıqlayıb.
Ümumilikdə İbrahimov 16 aylıq həbsə məhkum edilib. Ona həmçinin əlavə 2 il 20 günlük reabilitasiya tədbiri və 200 saatlıq maaşsız iş cəzası verilib. İbrahimovun adı bundan sonra 10 il müddətində seksual cinayətkarlar reyestrində yer alacaq.
Qeyd edək ki, Rafael İbrahimov 2001-2007-ci illərdə Azərbaycanın Britaniyada, daha sonra isə Finlandiya və Norveçdə səfiri olub. O daha sonra Britaniyada müxtəlif kanallarda icmalçı kimi çalışıb.
