Müğənni Nura Suri yaşadığı bina ilə bağlı şikayət paylaşımı edib.
1xeber.media xəbər verir ki, o,sosial hesabında qeyd edib ki “Bakı şəhəri, Xətai rayonu, Babək prospektində yerləşən Yapı İnşaat-ın binaları ilə bağlı mühüm problem var.
Son vaxtlar bu binalarla bağlı ciddi problemlərlə üzləşmişik. Binaların yeni qanuna əsasən təhvil verildiyi iddia olunur, lakin heç bir rəsmi sənəd yoxdur. Hətta yeni komendant, Firdovsi adlı şəxs, binanı hələ rəsmi təhvil almadığını təsdiqləyir.
Ödənişləri vaxtında edənlər belə, kommunal xidmətlərdəki bu pozuntulardan əziyyət çəkir.
Hüquqşünaslara ehtiyacımız var! Əgər bu məsələlərdə köməklik göstərə bilərsinizsə və ya etibarlı bir hüquqşünas tanıyırsınızsa, xahiş edirəm mənimlə əlaqə saxlayasınız. Digər problemlərimiz də var, lakin bu an üçün bu məsələnin həllinə öncəlik veririk”.
