Şagirdlərin elektron yerdəyişməsi prosesi üçün bu günə qədər 14000 müraciət portala daxil edilib.10000 şagirdin yerdəyişməsi uğurla tamamlanıb.
1xeber.media xəbər verir ki, bu barədə MÜTDA məlumat yayıb.
Bildirilib ki, ümumi orta təhsil səviyyəsi üzrə buraxılış imtahanlarına az müddət qaldığını nəzərə alaraq, IX sinif şagirdlərinin yerdəyişməsi 5 mart tarixindən etibarən dayandırılıb və tədris ilinin sonuna qədər aktiv edilməyəcək.
Qeyd edək ki, şagirdlərin elektron yerdəyişməsi prosesi sy.edu.az elektron sistemi vasitəsilə həyata keçirilir.
Xatırladaq ki, fevralın 25-dən etibarən 2024-2025-ci tədris ilinin II yarımili üzrə şagirdlərin elektron yerdəyişməsi prosesi aktiv edilib. Yerdəyişmə məktəbəhazırlıq qruplarını, I–VIII və X sinifləri əhatə edir. Şagirdlərin elektron yerdəyişməsi prosesi davam edir.
