“Rusiyanın Fransaya hərbi müdaxilə təhlükəsi yoxdur. Bu barədə danışmaq cəfəngiyyatdır”.
1xeber.media Globalinfo.az-a istinadla xəbər verir ki, bunu Fransa Vətənpərvərləri Partiyasının sədri Florian Filippot deyib.
O qeyd edib ki, Fransanın guya Rusiya təcavüzünə məruz qalacağı ilə bağlı bəyanatlar əhalini qorxutmaq üçündür:
“Məqsəd Ukraynaya silah və qoşun göndərmək üçün fransızlardan pul yığmaqdır. Bu, sadəcə müharibə ilə qorxu yaymaq təbliğatıdır”.
Filippo hesab edir ki, Fransa təhdid axtarmaqdansa, Rusiya ilə səmərəli əməkdaşlıq qurmalı və dialoq aparmalıdır.
Qeyd edək ki, Fransa Prezidenti E.Makron, eləcə də bəzi avropalı rəsmilər tez-tez Ukraynadan sonra Rusiyanın hədəfinin digər Avropa ölkələri olacağı haqda fikirlər səsləndirirlər.
Bir qədər əvvəl “Qalx, Fransa” partiyasının lideri Nikola Düpon-Aignan da Makronun “Rusiya təhlükəsi” ilə bağlı iddialarına görə hakimiyyətdən uzaqlaşdırılmalı olduğunu bildirib.
