Azərbaycan Həmkarlar İttifaqları Konfederasiyasının (AHİK) sədr müavini Əbil Ağasiyev vəzifəsindən azad edilib.
1xeber.media “Paravda.az”-a istinadla xəbər verir ki, Konfederasiyanın sədri Sahib Məmmədov bununla bağlı müvafiq əmr imzalayıb.
Xatırladaq ki, bir müddət öncə Ə.Ağasiyevin rəhbərlik etdiyi “Kurort” Qapalı Səhmdar Cəmiyyəti “Turizm və Ekskursiyalar” Şurası ilə birləşdirilib.
Qurumların bazasında Kurort-Turizm Mərkəzi yaradılıb və Ağasiyev rəhbərlikdən kənarlaşdırılıb.
“Kurort” QSC-nin balansına “Abşeron” mədə-bağırsaq, “Bilgəh” kardioloji, “Qaranquş” uroloji, “Günəşli” nevroloji, “Şıx”, “Naftalan”, “Pirşağı”, “Xəzər”, “Şəki İstirahət Mərkəzi”, “Hacıkənd” İstirahət Evi, “Avtonəqliyyat” müəssisəsi, “Azərkurorttikintitəmir” Birliyi, “Azərkurortlayihə”, Azərminsugeokaptaj” respublika ekspedisiyası, “Kurort” Səhmdar Cəmiyyətinin Təchizat Birliyi və “Miras” Məhdud Məsuliyyətli Cəmiyyəti daxil idi. Ona görə Ə.Ağasiyev mətbuatda “kurort naziri” adlandırılırdı.
