Amerika tərəfi hələ də ABŞ-ın Avropada hərbi mövcudluğunun davam etdirilməsi üçün plan hazırlamayıb.
1xeber.media xəbər verir ki, bu barədə aprelin 9-da Pentaqonun katibi Pit Heqset Panama ictimai təhlükəsizlik naziri Frank Abreqo ilə birgə mətbuat konfransında bildirib. Veriliş Pentaqonun saytında yayımlanıb.
Heqset qeyd edib ki, Avropa qitəsində Amerika silahlı qüvvələri ilə bağlı qərar verəcək yeganə şəxs ABŞ prezidenti, Ali Baş Komandan Donald Trampdır.
"Biz Ukrayna və Rusiya ilə danışıqlar kontekstində də daxil olmaqla, qitədə güc mövqeyimizin necə olması ilə bağlı müzakirələrimizi davam etdirəcəyik", - Pentaqon rəhbəri vurğulayıb.
