ABŞ-ın gömrük rüsumları dərman preparatlarına da şamil edilə bilər və onların dərəcəsi 25% təşkil edə bilər. Bu, artıq xarici avtomobillərə tətbiq edilən tariflərlə eyni səviyyədə olacaq.
1xeber.media xəbər verir ki, bu barədə ABŞ Prezidenti Donald Tramp məlumat yayıb.
“Artıq biz dərmanlarımızı özümüz istehsal etmirik. Əczaçılıq şirkətləri İrlandiyada, bir çox başqa ölkələrdə, o cümlədən Çində yerləşir. Mənim etməli olduğum sadəcə tarifləri tətbiq etməkdir. Və biz bunu edəcəyik. Bu, avtomobillərə tətbiq etdiyimiz rüsumlara bərabərdir. Bildiyiniz kimi, avtomobillərə 25 faizlik tarif tətbiq etmişik. Polad və alüminium üçün də 25 faiz tarif var və bu, indiki mərhələyə tam uyğundur”, – deyə Tramp bildirib.
O əlavə edib ki, yeni gömrük rüsumları çox yaxın vaxtlarda qüvvəyə minəcək.
Xatırladaq ki, Tramp 2 apreldə 185 ölkə və əraziyə aid məhsullara gömrük rüsumları tətbiq olunacağını elan etmişdi.
