Qırğızıstan və Tacikistan arasında çoxdan gözlənilən mühüm razılaşma imzalanıb.
1xeber.media "AKIpress"ə istinadən xəbərinə görə, sənədin əsas məqsədi iki ölkə arasında onilliklərdir davam edən sərhəd mübahisələrinin birdəfəlik həllini təmin etmək və bu çərçivədə bağlanmış nəqliyyat əlaqələrinin bərpasını həyata keçirməkdir.
Tərəflər bu addımı regional sabitlik və əməkdaşlıq baxımından tarixi dönüş nöqtəsi kimi qiymətləndiriblər. Razılaşmaya əsasən 970 kilometrlik sərhəd xəttinin dəqiq delimitasiyası və demarkasiyasını nəzərdə tutur. Əvvəllər dəfələrlə toqquşmaların baş verdiyi Kök-Taş, Vorux, Batken və İsfara ərazilərində sərhədin dəqiqləşdirilməsi məsələsində razılıq əldə olunub.
Bu ərazilərdə illərdir yerli əhali arasında gərginlik yaşanırdı. Yeni sənədlərlə sərhədin hüquqi və kartoqrafik əsasda müəyyən olunması, gələcəkdə insidentlərin qarşısını almağa yönəlib.
Qeyri-rəsmi məlumatlara əsasən sərhədlərin açılması prosesi mayın 21-nə təsadüf edəcək.
