Polşa digər NATO ölkələrinin iştirakı ilə son illərin ən böyük hərbi təlimlərini keçirəcək.
1xeber.media xəbər verir ki, bu barədə Polşa Müdafiə Nazirliyinin rəhbəri Vladislav Kosiniyak-Kamış mayın 26-da keçirdiyi mətbuat konfransında məlumat verib.
Polşanın "Bankier.pl" nəşri onun sözlərindən sitat gətirir: "Mən uzun illərdən sonra ilk böyük diviziya təlimlərinin keçirilməsi əmrini vermişəm. 18-ci Mexanikləşdirilmiş Diviziya belə təlimlər keçirəcək və öz imkan və bacarıqlarını, o cümlədən müttəfiqlərimizlə birlikdə nümayiş etdirməyə tam hazır olacaq".
Kosiniak-Kamış qeyd edib ki, bu, Polşa və onun müttəfiqlərinin Rusiya və Belarusun builki ən böyük hərbi təlimləri olan “Zapad-2025”ə cavabı olacaq.
