İtaliya Ukrayna Silahlı Qüvvələrinə (UAF) Romanın Kiyevə verdiyi silahlarla Rusiya ərazisinə dərin zərbələr endirməsinə icazə verməkdən imtina edib.
1xeber.media xəbər verir ki, bu barədə “Fatto Quotidiano” qəzeti mənbələrə istinadən məlumat yayıb.
“İtaliya hökuməti Ukraynaya verilən silahlarla zərbələrin endirilməsi diapazonuna qoyulan məhdudiyyətləri aradan qaldırmağı planlaşdırmır”, - deyə adı açıqlanmayan iki İtaliya rəsmisi nəşrə bildirib.
Mayın 26-da Merz bildirib ki, Almaniya Böyük Britaniya, Fransa və ABŞ-ın ardınca Kiyevə verilən raketlərin məsafəsinə qoyulan məhdudiyyətləri aradan qaldırıb. Onun sözlərinə görə, bu, Kiyevə Rusiyadakı hədəfləri vurmağa imkan verəcək. Kansler bu qərarın bir neçə ay əvvəl verildiyinə də aydınlıq gətirib.
Bundan əlavə, Merz “Taurus” uzaqmənzilli qanadlı raketlərinin Ukraynaya ötürülməsini mümkün hesab etdiyini bildirib. Onun sözlərinə görə, bu tipli silahlardan istifadə etmək “Ukrayna əsgərləri üçün aylarla təlim keçmək” tələb edir.
