21 yaşadək futbolçulardan ibarət Azərbaycan milli komandası yoxlama görüşündə qüvvəsini sınayacaq.
1xeber.media xəbər verir ki, Ayxan Abbasovun baş məşqçisi olduğu komanda səfərdə Belarusdan olan həmyaşıdları ilə qarşılaşıb.
Matç Baranoviçi şəhər stadionunda baş tutub. Ayxan Abbasov start heyətində bu "11-liy"ə güvənib: Xəyal Fərzullayev, Rüfət Abbasov, Emin Rüstəmov, Murad Məmmədov, Edqar Adilxanov, Oruc Məmmədov, Raul Məmmədov, Nihad Əhmədzadə, Ayxan Süleymanlı, Emil Süleymanov, Ağadadaş Salyanski.
Oyunu 21 yaşlılarımız açıb. Raul Məmmədov 22-ci dəqiqədə fərqlənib. Ancaq üstünlüyünü qoruya bilməyən yığma 1:3 hesabı ilə uduzub.
Qeyd edək ki, mayın 26-dan təlim-məşq toplanışına cəlb olunan U-21 hazırlıq çərçivəsində iyunun 8-də isə Mehdi Hüseynzadə adına Sumqayıt şəhər stadionunda Monteneqronun gənclər yığması ilə gücünü sınayacaq.
