İyunun 11-də Lənkəran Şəhər İcra Hakimiyyətinin (ŞİH) başçısı Taleh Qaraşov təqvim planına uyğun olaraq növbəti səyyarqəbulunu Xolmili kənd inzibati ərazi dairəsinin sakinləri ilə keçirib.
1xeber.media xəbər verir ki, görüş-qəbulda şəhərİcra hakimiyyəti aparatının məsul şəxsləri, hüquq mühafizə orqanlarının rəhbərləri, yerli idarə və müəssisələrin nümayəndələri iştirak ediblər.
Lənkəran ŞİH başçısı sakinlərə ötən səyyar qəbulda qaldırılan məsələlərin icra vəziyyəti barədə məlumat verib. Onun sözlərinə görə, obyektiv qaldırılan və yerli icra hakimiyyətinin səlahiyyətlərinə aid olan bütün məsələlər həllini tapıb və digər məsələlər barədə aidiyyəti mərkəzi icra hakimiyyəti orqanlarına rəsmi müraciətlər ünvanlanıb, bununla bağlı vətəndaşlara qanunamüvafiq izahatlar verilib.
Taleh Qaraşov İlham Əliyevin göstəriş və tövsiyələrinə uyğun olaraq vətəndaşlarla birbaşa dialoq mühitinin daha da gücləndirildiyini, müraciətlərə həssas və şəffaf yanaşıldığını qeyd edib. İcra başçısı bildirib ki, bütün müraciətlər dərindən təhlil edilir, qaldırılan məsələlər ümumiləşdirilir, həlli üçün uyğun mexanizmlər və təklif irəli sürülür.
İcra başçısı əhalinin həssas təbəqələrinə qarşı dövlətin hər zaman diqqət göstərdiyini, xüsusilə şəhid ailələri, qazilər və Vətən müharibəsi iştirakçılarının qayğı və problemlərinin diqqətdə saxlanıldığını vurğulayıb.
Xolmili sakinləri sosial sahəyə göstərilən xüsusi diqqət və qayğınəticəsində ölkəmizdə sosial inkişaf istiqamətində mühüm nailiyyətlərin əldə olunduğunu qeyd ediblər və buna görə dövlət başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
