İsrail ilə İran arasında davam edən silahlı qarşıdurma təkcə hərbi yox, iqtisadi cəbhədə də böyük dağıntılara səbəb olur.
1xeber.media xəbər verir ki, bu barədə Türkiyə mətbuatı yazıb.
Məlumata görə, İsrailin hərbi xərcləri gündəlik 300 milyon dollara çatır. Bu, ölkənin ümumi daxili məhsulunun (ÜDM) 29 faizinin sırf müdafiəyə yönəldilməsi deməkdir.
Digər tərəfdə isə dərin iqtisadi böhran içində olan İran dayanır. Təkcə son hücumlarda hədəf alınan nüvə və hərbi obyektlər, eləcə də şəhərlərdə dağılmış infrastrukturun bərpası Tehrana milyardlarla dollara başa gələcək.
Hər gün atılan yüzlərlə raket, xərclənən milyardlarla vəsait və dağılmış infrastruktur bölgədə uzunmüddətli iqtisadi tənəzzülün əsasını qoya bilər.
