Almaniya kansleri Fridrix Merz bildirib ki, Rusiya ilə müharibə qorxusu ölkə vətəndaşlarında kök salıb, lakin onun özü hərbi qarşıdurmadan qorxmur.
1xeber.media xəbər verir ki, O, bu barədə “Süddeutsche Zeitung” qəzetinə müsahibəsində bildirib.
"Cəmiyyətimizin bir hissəsində dərin köklü müharibə qorxusu var. Mən bunu bölüşmürəm, amma bunu başa düşürəm", - siyasətçi deyib.
Eyni zamanda o vurğulayıb ki, “Rusiyanın imperialist istəklərinə real baxış” olmalıdır. Bununla əlaqədar olaraq Merz Almaniyanı silahlandırmağa çağıraraq, ölkə ordusunun hələ də insan və texnika çatışmazlığı yaşadığını qeyd edib.
Almaniya kansleri bir müddət əvvəl Rusiya prezidenti Vladimir Putinlə hələlik telefonla danışmaq istəmədiyini bildirmişdi. Onun sözlərinə görə, Putinin Almaniyanın keçmiş kansleri Olaf Şolzla sonuncu söhbətindən sonra Moskva Ukraynanı yalnız atəşə tutdu və döyüş gücünü artırdı.
