“Rostec” Dövlət Korporasiyası Venesuelada “Kalaşnikov” avtomatları (AK) üçün patron istehsalı zavodunun birinci mərhələsinin tikintisini başa çatdırıb.
1xeber.media xəbər verir ki, bu barədə məlumat iyulun 2-də korporasiyanın rəsmi saytında dərc olunub.
“Rostec Dövlət Korporasiyasının şirkəti olan “Rosoboroneksport” Venesuelada “Kalaşnikov” avtomatları üçün 7,62 mm-lik patronların istehsalı üzrə zavodun birinci mərhələsinin tikintisini başa çatdırıb”, - deyə məlumatda bildirilir.
Bildirilir ki, müəssisə ildə 70 milyonadək patron istehsal edə biləcək və dörd müasir istehsal xətti ilə təchiz olunacaq ki, bu da Venesuelanın müdafiə potensialını əhəmiyyətli dərəcədə artıracaq.
