1xeber.media xəbər verir ki, iyulun 8-də Heydər Əliyev Mərkəzində Azərbaycan Respublikasının Medianın İnkişafı Agentliyi tərəfindən “Medianın inkişafında Ümummilli Lider Heydər Əliyevin rolu” adlı konfrans və “Azərbaycan mətbuatının 150 ili: Tarixdən günümüzə” adlı sərgi keçirilir.
Tədbir dövlət himninin səsləndirilməsi ilə başlayıb.
Tədbirdə çıxış edən Medianın İnkişaf Agentliyinin icraçı direktoru Əhməd İsmayılov Azərbaycan mediasının müasir dönəmdə uğurlu inkişafından və bu sahəyə dövlətin xüsusi diqqət və qayğısından danışıb.
Tədbirin moderatoru Azərbaycan Televiziyası və Radio verlişləri QSC-nin sədr müavini Rafiq Həşimovdur
Tədbirin panel sessiyası: "Ulu Öndər Heydər Əliyev tərəfindən təməli qoyulan media prinsipləri" mövzusunda davam etdirilir.
Panel sessiyanın spikerləri Bahar Muradova, Mixail Qusman, Arif Rəhimzadə, Anar İsgəndərov və Vüqar Rəhimzadədir