Çərşənbə axşamı, iyulun 22-də Tehranda Rusiya, İran və Çin nümayəndələrinin üçtərəfli görüşü keçiriləcək.
1xeber.media xəbər verir ki, bu barədə İran Xarici İşlər Nazirliyinin nümayəndəsi İsmail Bəqayi məlumat verib.
Diplomatın sözlərinə görə, əsas mövzular İslam Respublikasının nüvə proqramı olacaq. Baqayi həmçinin “Avropa üçlüyü”nün BMT Təhlükəsizlik Şurasının sanksiyalarının geri qaytarılmasını nəzərdə tutan snapback mexanizminin işə salınması ilə bağlı təhdidləri məsələsinin müzakirəsini açıqlayıb.
Bundan əvvəl İran və Rusiya arasında Hərtərəfli Strateji Tərəfdaşlıq Müqaviləsi qüvvəyə minib. İranın Moskvadakı səfiri Kazem Cəlalinin sözlərinə görə, müqavilə hazırda hər iki ölkədə qanuni formadadır.
Rusiya və İran arasında müqavilə 2025-ci il yanvarın 17-də imzalanıb. Sənədə əsasən, Moskva və Tehran qarşılıqlı maraq doğuran bütün sahələrdə əlaqələri dərinləşdirməyə və genişləndirməyə çalışır.
